13 лютага бягучага года самыя юныя ўдзельнікі літаб’яднання “Верасок” трапілі ў загадкавы свет радыё. Свае вершаваныя гісторыі яны паспрабавалі запісаць для літаратурнай старонкі радыёпраграмы “Раённыя будні”. Вершы пра родны край, прысвячэнні маці, прызнанні ў любові да неўміручага беларускага слова гучалі з вуснаў Аляксандры Валасюк, Віялеты Гарадзецкай, Яны Грыбоўскай, Алены Гаргун, Анастасіі Лісуновай. З аднаго боку, дзеці хваляваліся перад мікрафонам, а з другога, для іх усё гэта было цікава і запамінальна.

Аматараў творчасці літаб’яднання “Верасок” запрашаем да радыёпрыёмнікаў у суботу а 8 гадзіне раніцы. Добрых уражанняў ад пачутага!